وأخيرا .. طاولة القو تباع في السعودية

16 02 2011

سنوات وأنا أدور على طاولة القو عندنا بالسعودية أو بدول الخليج .. وسألت كثير من اللاعبين في الدول العربية .. أكثر من ثلاث سنوات وبدون فايدة

وقبل فترة قريبة سمعت عن محل يبيع أدوات يابانية عندنا بالخبر .. رحت للمحل بس للاسف ما لقيت الطاولة .. بس لقيت موظف واحد ياباني .. تكلمت معه وطلع يعرف لعبة القو .. قلت له ابيك تجيبها قال مو أكيد .. بس تفاجأت بعد فترة يوم لقيتها بالمحل ومعها مجموعة ألعاب ذكاء يابانية 😀

جاب طاولة صغيرة بالمغناطيس وتمشي الحال .. وعلى طول شريت حبتين .. حطيت وحده بالبيت ووحده بالمزرعة .. وبعد فترة وصاني واحد اشتريها له وشريتها 🙂

سعر الطاولة على النت: أكثر من 30 ريال غير سعر التوصيل
سعر الطاولة بالمحل: 18 ريال فقط

الطاولة مغنايسية وتنطوي .. حجمها صغير 13×13 وحلوه للمبتدئين

هذي مجموعة صور لنفس الطاولة وهي مفتوحة أو مطوية أخذتها من النت

Advertisements




قد مره قدرت تحله؟ مكعب روبك Robik’s Cube

7 02 2011


اليوم وأنا أتمشى بالسوق لقيت لعبة قديمة مره ما أعرف ايش اسمها !!

في ناس يسمونها “المكعب السحري” أو “مكعب روبك” أو “ممكن هذي اللعبة لو سمحت؟”

يمكن تعرفونها ؟؟ من عرفت اللعبة وأنا عندي يقين أنها ما تنحل أبد .. يوم كنت صغير كنت أشتريها وأحاول أحافظ عليها عشان ما يخرب الشكل لأني ما راح أقدر أرجعها ،، لكني اليوم أول ما شريتها خربتها وقررت أرجعها 🙂

بحثت شوي عن اللعبة وقلت أكيد في طرق للحل .. وفعلاً ،، في استراتيجيات للحل وجالس احاول ارجعها .. أنا متحدي نفسي خلال اسبوع أكون تعلمت للعبة ..

راح أتكلم عن اللعبة بتفصيل في موضوع ثاني إن شاء الله ..