طريقة الفوز في لعبة كاسحة الألغام الشهيرة Minesweeper

8 03 2012

لما نشتري كمبيوتر جديد أول شي نسويه نبحث عن الألعاب الموجودة في الجهاز .. ومن أفضل الألعاب “لعبة كاسحة الألغام Minesweeper” .. بشرح في هذا الموضوع طريقة اللعبة

الهدف من اللعبة: معرفة مكان جميع الألغام أو القنابل في أسرع وقت

إذا عرفنا مكان لغم نحط عليه العلم (نضغط على الزر الايمن بالفاره) .. واذا عرفنا اماكن الالغام كلها نفوز باللعبة

– الزاوية اللي تحت على اليمين فيها عدد الألغام = 10 ألغام .. وكل ما تلقى لغم راح يقل العدد

– الزاوية اللي تحت على اليسار فيها الساعة .. كم ثانية طولت عشان تخلص اللعبة

– في بداية اللعبة نضغط في اي مكان في اللعبة .. وراح يطلع لنا ارقام مثل الصورة

– الرقم 1 = يوجد لغم واحد حول المربع هذا

– الرقم 2 = يوجد لغمين حول المربع هذا .. وهكذا جميع الارقام

كيف نعرف مكان الالغام:

1- الرقم 1 اللي حوله دائرة .. يعني في لغم واحد حوله .. اكيد راح يكون هذا المربع اللي عليه السهم

2- باقي المربعات اللي حوله كلها عليها رقم 1 .. وكلها حول نفس اللغم .. يعني في عندنا هنا لغم واحد بس .. والمربع الثاني فاضي

3- نضغط على الزر اليمين بالفاره عشان نحط علم مكان اللغم

4- المربع الثاني اكيد راح يكون عليه رقم 1 لان حوله لغم واحد نضغط عليه بزر الفاره اليسار .. وخلصنا من هذا المكان وننتقل الى مكان ثاني

لاحظوا .. عدد الألغام قل وصار 9 .. لأننا لقينا واحد منها

1- الرقم اللي عليه الدائرة 1 .. اكيد راح يكون اللغم في المربع اللي عليه السهم .. لانه المربع الوحيد اللي حوله

2- الرقم اللي يساره 2 يعني حوله لغمين .. واحد منهم عليه علم والثاني اللي على يساره .. لأن مافي الا هذا المربع

3- نحط علم مكان اللغم ..

لاحظوا .. المربع الأخير على اليسار مكتوب عليه 1 .. وحوله علم يعني المربع اللي تحته فاضي

ونكمل بهذي الطريقة الى نهاية اللعبة ..

اللعبة يبغالها تفكير وصبر في البداية .. وبتاخذ وقت على ما تتعود عليها .. لكن بعد فتره راح تحلها بكل سهوله ومتعه ..